محركات الالعاب باختصار هيا برامج عاديه زي اى برنامج .. بس تمنها بيتخطي ملايين الدولارات .. وده بسبب انها بفضل قوه المحرك ممكن تخلي المطور يكسب مليارات الدولارات كعائد منها بسبب مزاياها وقوتها وان الاستوديو ده قدر يستغلها فعلا .. فهنتكلم عنها ..
محركات الالعاب ديه زي ما قولنا برامج .. بس ايه اهميتها ؟
محركات الالعاب تعتبر هيا اللى بتجمع كل عناصر اللعبه مع بعض .. اللعبه اللى انتا بتلعبها ديه بتبقي عباره عن انميشنز متصله ببعضها بحيث انك لو ضغطت على زرار يشتغل انميشن معين ولو دست على التاني يشتغل انميشن تاني وتعتبر عمليه ابداليه وصعب بنائها جدا علشان كده مش اى لعبه بتكون سلسله فى الجيمبلاي والسبب بتبقي اخطاء فى برمجتها ..
نرجع للموضوع الاصلي .. ليه البرامج ديه مهمه برضو ؟
هيا اه مش بتجمع عناصر اللعبه بس .. لا ديه كل حاجه بتتبني عليها .. من حيث البيئه .. يعني التصاميم اللى موجوده فى الالعاب ديه بتبقي متصممه ببرامج تانيه .. ومعمولها انميشن معين .. التصميم ده بيتحط فى المحرك عن طريق عمليتين وهما الـimport / export وبيتعدل على التصميم ده فى المحرك .. يعني اللعبه بتبقي مليانه بالاف التصاميم وكل تصميم بيبقي من مصمم شكل .. فسبب ان كل حاجه فى اللعبه بتبقي شبه بعضها او بمعني تاني ان البيئه بتبقي مشابهه للتصاميم يعني عمرك ما تشوف العمارات فى لعبه معليهاش نفس المؤثر يعني لو بتلعب واتش دوجز والدنيا بالليل فى اللعبه عمرك ما هتلاقي العمارات شكلها مختلف ونفس الكلام فى بيئه النهار .. وفيه محركات بتسمح للمطورين بانهم يعدلوا على المقاطع السينمائيه زي unreal engine علشان تبقي اللعبه سينمائيه بشكل كبير وفى نفس الوقت ميحتاجوش برامج تانيه تهدر الوقت علشان توصلهم لهدف معين فبيستخدموا محرك فى اللعبه فى السينمائيات .. وفيه محركات بتبقي سهله فى الاستخدام جدا زي cry engine من حيث تصميم البيئات والجيمبلاي وديه واحده من خواصه انه سهل فى الحته ديه عن محرك تاني مثلا .. وفيه محركات بتبقي قويه جدا فى الجرافيك اللى ممكن توصله من عليها ببساطه وده واحد من اسباب تطور جرافيك الالعاب اصلا ..
بس ازاى تستخدمها او تجيلك فرصه انك تستخدمها ؟
فيه محركات ياما ليها نسخ مجانيه وكل نسخه وليها هدف ..
كمثال النسخه المجانيه من محرك كراي انجن ديه مخصصه علشان الاهداف الدراسيه والتعلم عليه .. مش مسموحلك انك تنشر اللعبه من عليه بسبب حقوق الشركه المصنعه ليه .. وحتي النسخه المدفوعه بتاعته بيبقي الهدف منها انك تفتح الجرافيك وشويه حاجاه بتبقي مقفوله فى النسخه المجانيه .. يعني الجرافيك فى النسخه المجانيه بيبقي مظبوط على medium .. النسخه الكامله بيبقي فيها كل خواص الجرافيك مقفوله يعني هتلاقي الجرافيك فيه high وديه حاجه مش موجوده فى النسخه المجانيه .. بس هوه مخصص للتعلم بس ..
وفيه محركات بتبقي مجانيه ليك الحق انك تنشر اللعبه من عليها ولو اللعبه نجحت الشركه المصنعه بتاخد نسبه من ارباحها زي شركه unreal .. النسخه من unreal engine 3 sdk بتبقي مجانيه بالكامل ليك وليك الحق انك تنشر الالعاب من عليها ..
وفيه محركات بتبقي ليها سعر معين ورخيص وفيه محركات بتتاجر .. زي unreal engine 4 سعره دلوقتى بقي 19 دولار فى الشهر ويبقي من حقك انك تستخدم قوته كلها ..
وطبعا مفيش حاجه بتيجي من غير تعلم .. معظم المحركات والادوات المستخدمه فى تطوير الالعاب بتبقي شركاتها متعاونه مع مدارس معينه علشان تعلم طلابها اى حاجه من منتجاتها كمثال شركه adobe بتتعاون مع الاف المدارس علشان تعلم طلابها منتاجتها .. فى المقابل انها بتكسب موظفين جداد وطلاب جداد ليها ممكن فى يوم من الايام يبقوا من الـtop students للشركه ديه .. وهكذا
بس لو انتا مصري ونفسك تتعلم تشتغل على محركات الالعاب ؟
الحل الوحيد هوه الدورات الاونلاين واللى بتوفرها الاف الموقع زي digital tutors كمثال .. وطبعا لو بحثت هتلاقي بالهبل .. بس انك تتعلم الموضوع جوه مصر فهو شبه مستحيل .. او مستحيل فعلا grin emoticon
علشان مفيش مدرسه بتعترف بالحاجات ديه هنا .. مش بيفهموا فيها اصلا .. بيقولوا على الالعاب تافهه هيعلموا الناس ازاى يعملوها ؟ فديه حاجه مش بتيجي فى بالهم يعني متشغلش بالك بفكره انك "تتعلم الموضوع جوه مصر"
0 التعليقات:
إرسال تعليق